ఎగిరొచ్చే సీతకోకచిలుకలంటి నీ జ్ఞాపకాలు
నా చుట్టూ అల్లరిగా తిరిగి గిలిగింతలు పెడుతున్నాయి . .
పలకరించే పిల్లగాలి తెమ్మెరంటి నీ ఊహలు
నా పైట లాగి కొంటెగా నవ్వుతున్నాయి . .
కవ్వించే కొండగాలి వంటి నీ ఊసులు
నన్ను మత్తులో ముంచి మురిపిస్తున్నాయి . .
తీయని వేణుగానమంటి నీ పలుకులు
నా వయస్సును తట్టి లేపుతున్నాయి . .
మెరిసేటి ముత్యమంటి నీ నవ్వులు
నా కంటిపాపకు పండుగలను తెస్తున్నాయి . .
ఆకాశం సరితూగాలేని అసమానమైన నీ హృదయం
నా మదిలో ప్రేమ రాగాలను పలికిస్తున్నది . . !
0 comments:
Post a Comment