స్వీయాప్రియం: అరవింద

Wednesday, April 20, 2011

నయనాల నింగిలో నల్లటి జాబిల్లి జారవిడిచిన

నీలాల వెన్నెల జల్లులో తడిసిన

అరవింద కుసుమ సుకుమారమా...

నీ అందమంతా ప్రకృతై విరబూస్తున్న వేళ

ఆమనికై ఎదురుచూపేల...

కలవరింతలోని పులకరింతవంటి

సుగంధ పరిమళాల మనోభావమా...

మనసంతా నీవైన వేళ మరొకరికై ఆరాటమేల...

About this blog

అనగనగా ఒక ఉహాలోకంలో ఒక బొమ్మ.

నిశ్చల, నిర్మల బొమ్మ.

కోటి భావాలను మనసులో దాచుకుని మౌనంగా చూసే బొమ్మ.

అదే లోకంలో ఒక కవిత.

అలల సవ్వడి లాంటి కవిత.

కిలకిలరావాల కవిత.

కొటానుకోటి భావాలను అక్షరాల వర్షంలో తడిపే కవిత.

ఒకనాడు ఈ కవిత ఆ బొమ్మను చూసింది.

బొమ్మ మనసులోని భావాలను దాని కళ్ళలో చదివింది.

ఆనాటి నుంచి బొమ్మ మాట్లాడుతోంది...

కవిత ద్వారా మాట్లాడుతోంది....

ఇది రెండు కళాహృదయాల కథ..

ఒక విడిపోని, విడదీయలేని స్నేహం కథ...

మనసులోని భావాలకి ఒకరు రూపమిస్తే, ఒకరం ప్రాణం పోస్తాం..

ఇది రెండు అందమైన మనసుల లోకం..

"గీత-రాత " ల లోకం.

చక్కని బొమ్మల, కమ్మని మాటల లోకం..

ఈ లోకానికి శ్రీకారం చుట్టింది... మా స్నేహం..!

స్వీయాప్రియం