మబ్బు

 

- స్వీయ

అది మబ్బు... మది మబ్బు..

కమ్మేసి, కుదిపేసి, కురిసేసి, ముంచేసే మబ్బు...

వాన వెలుస్తుంది...

మది చల్లబడుతుంది...

మబ్బు తొలగుతుంది...

మనసు తేలికవుతుంది...

 -ప్రియ

మౌనం...

-స్వీయ

మౌనం...

మనలో మనమై, మమేకమై,

అవలోకనమై, ఆలోచనై,

అంతర్జాలమై, ఆత్మ దర్శనమై,

మనకే మనము అంతా అవగతమైపోయే

మాధ్యమం...

 -ప్రియ

దేహాత్మైక్యం

దేహపు పొరల్లో, ఆత్మకు అతి చేరువలో నిఘూడమై ఉన్న

కాంక్షను నిద్దురలేపి, ఊపిరినూది, అణువణువునా ప్రవహింపజేసి,

తను నా రక్తకణాలని ఉత్తేజపరిచిన క్షణం.....

నేను నా రహస్యాలను ఒక్కొక్కటిగా తనకు అప్పజెప్పేసి,

తన తనుమనః ఆలంబనలో లీనమై... లయమైపోతాను...!

ఆ ఆలింగన ముడిలో చిక్కుపడిన శ్వాసలను

మరింతగా పెనవేసుకుని.....

మోహపు రూపమై, విరహపు వారధులు దాటి

స్పర్శలు రగిల్చిన వేడిలో కరిగి....

ఘనీభవించిన హిమాలయపు అంతర్భాగమున

జనియించి, అధోభాగమున ప్రవహించు

మానస సరోవరములో మునకలేసి....

ముక్తాత్మనై, మోక్షసిద్ధినై తరిస్తాను..!!